Í leikskólanum Holti mátti sjá tilkynningu til foreldra þar sem kynnt voru ný hlutverk sem börnin skiptast á að gegna.
Þessi hlutverk eru: umsjónarmaður, sópstjóri, ávaxtastjóri, huggari, bókaþjónn, þvottaþjónn og teljari. Nánar er síðan tilgreint hvað felst í hverju hlutverki fyrir sig.
Börnin eru mjög áhugasöm og virk í að sinna hlutverki sínu. Hlutverkin bjóða upp á kjöraðstæður til að efla orðaforðann með því að setja orð á athafnir og hluti á markvissan hátt. Krydda má hlutverkin með fjölbreyttri orðanotkun, orðatiltækjum og málsháttum.
