HLJÓM-2
Á vef Miðstöðvar menntunar og skólaþjónustu má finna upplýsingar um HLJÓM-2.
HLJÓM-2 er aldursbundin skimun sem er lögð fyrir til að meta hljóðkerfis- og málvitund barna í elsta árgangi leikskólans. Skimunin er framkvæmd í því skyni að greina þau börn sem eru í áhættu vegna lestrarerfiðleika þegar formlegt lestrarnám hefst. Slök hljóðkerfis- og málvitund er talin aðalorsök lestrarvanda hjá 88% barna (9 af hverjum 10 börnum). Undanfarna áratugi hefur mikil áhersla verið lögð á að börnum sé strax frá unga aldri boðið markvisst upp á leiki og verkefni til að örva hljóðkerfis- og málvitund þeirra og að þeim sem virðast eiga í erfiðleikum sé sinnt sérstaklega. Leikskólaárin eru því sérlega mikilvæg fyrir snemmtæka íhlutun.
Á haustmánuðum 2017 eignaðist þá Menntamálastofnun nú Miðstöð menntunar og skólaþjónustu matstækið HLJÓM-2. Í kjölfarið urðu ýmsar breytingar eins og þær að allt sem viðkemur HLJÓM-2 er leikskólum að kostnaðarlausu, afgreiðsla gagna fer fram með rafrænum hætti.
Kynningarmyndband fyrir HLJÓM-2
Réttindanámskeið HLJÓM-2 á rafrænu formi
Fyrirspurnir má senda á hljom-2@mms.is
