Fyrir hverja eru íslenskudeildirnar?

Íslenskuver er tímabundin viðbótarþjónusta fyrir nemendur í 5.-10.bekk sem eru að flytja til landsins og eru byrjendur í íslensku.

Forgangur:
- Nemendur eru teknir inn eftir aldri. Elstu nemendur grunnskólans hafa forgang, þ.e. nemendur í 10.bekk.
- Börn sem koma frá málsvæðum eða löndum þar sem tónamál er ríkjandi njóta forgangs. Nemendur sem þekkja ekki latneskt stafróf njóta einnig forgangs.
- Starfsemi íslenskuvera byggir á að nemendur geti unnið sjálfstætt.

Hvernig er skipulag kennslu?

Skóladagatal íslenskudeildar fylgir þeim skóla þar sem deildin er staðsett.
Nemendur fylgja almennt skóladagatali heimaskóla eða samkvæmt samkomulagi.
Nemendur sækja kennslu í sínum heimaskóla a.m.k einn heilan dag í viku.
Kennsla í íslenskudeildum fer fram fyrir hádegi alla virka daga. Eftir hádegi sækja börn tíma í heimaskóla.
Nemendur taka þátt í öllu uppbroti á skólastarfi með bekkjarfélögum/námshópi heimaskóla.
1. júní er lokadagur íslenskudeildar, eftir það sækja nemendur heimaskóla.

Hvenær útskrifast nemendur?

Nemendur útskrifast úr íslenskudeild þegar þeir ná hæfniviðmiðum fyrsta stigs í íslensku sem öðru tungumáli (skv. hæfniviðmiðum Aðalnámskrár, kafla 19.4).
Við útskrift úr íslenskudeild er haldinn skilafundur með kennurum íslenskuvers og umsjónarkennara þar sem farið er yfir stöðu barnsins og með hvaða hætti megi styðja við áframhaldandi nám í heimaskóla.
Nemendur sem byrja í íslenskudeild eftir 1.apríl fara í stöðumat í lok ágúst til að meta hvort þeir haldi áfram í íslenskudeild.

Hvernig fer innritun fram?

Allir nemendur eru skráðir í sinn hverfisskóla þar sem unnið er skv. móttökuáætlun skólans og Velkomin í hverfið þitt.
Nemendur eru skráðir í umsjónarbekk/hóp.
Starfsemi íslenskudeildar er kynnt foreldrum og þeim boðið að sækja um fyrir barn sitt.
Nemendur sækja almenna kennslu í heimaskóla fyrstu vikurnar áður en þeir fara í íslenskudeild.
Heimaskóli lætur nemendum í té einstaklingsmiðaða stundaskrá sem sýnir hvenær barnið mætir í íslenskudeild og hvenær í heimaskóla.
Mætingaskylda er í íslenskudeild og hljóti nemandi 30 fjarvistir er plássinu úthlutað annað.
Ekki er innritað í íslenskudeild eftir 1.maí.
Engin akstursþjónusta er í og úr íslenskuverum.