Barnakosningar í Laugarseli

in

Barnakosningar eru skemmtilegar og mikilvægar leiðir til að kenna börnum að þau hafi áhrif á umhverfi sitt. Í Laugarseli hefur verið notast við ýmsar aðferðir til að virkja lýðræði þannig að börnin geti komið sínum skoðunum á framfæri.

Reglulegar kosningar, þar sem allir í frístundaheimilinu hafa kosningarétt, er ein af aðferðunum sem unnið er með.

Lilja Marta Jökulsdóttir var með málstofukynningu, á uppskeruhátíð frístundamiðstöðvanna í Reykjavík Höfuð í bleyti 2019, þar sem hún kynnti nánar kosningarnar.

Kosningaferlið má sjá hér (birt með leyfi LMJ).

 

Laugarsel er fyrsta réttindafrístundaheimilið í Reykjavík og jafnframt fyrsta í heiminum ásamt Krakkakoti í Garðabæ.

Unnið er með barnasáttmála sameinuðu þjóðanna og þá alveg sérstaklega eftirfarandi greinar:

  • 2.grein Jafnræði – bann við mismunun
  • 3.grein Það sem er barninu fyrir bestu
  • 6.grein Réttur til lífs og þroska
  • 12.grein Réttur til að láta skoðanir sínar í ljós og til að hafa áhrif

 

Flæðilestur

in

Í leikskólanum Hulduheimum er flæðilestur með yngstu börnunum – en hvað er flæðilestur?

Markmiðið með flæðilestri er að barnið læri að njóta bóka. Þetta á vel við á ungbarnadeildum leikskóla og jafnvel fyrir eldri börn.

  • Flæðilestur er hluti af hópastarfi.
  • Hópurinn samanstendur af kennara og fjórum börnum.
  • Valin er bók sem hentar þessum unga aldri.
  • Bókin er lesin fyrst fyrir allan hópinn.
  • Síðan er sama bókin lesin fyrir hvert barn.
  • Barnið situr í fangi og stjórnar bókalestrinum.
  • Spjallað er um bókina um leið og lesið er.
  • Hin börnin sitja með og hlusta eða eru að leika sér, það er þeirra val.
  • Þannig skiptist kennarinn á að lesa sömu bókina fyrir hvert barn í hópnum.

 

Í flæðilestri heyrir hvert barn sömu bókina lesna aftur og aftur. Fyrst þegar er lesið fyrir hópinn og einnig þegar verið er að lesa bókina með því og hinum börnunum. Endurtekningin er hluti af námi barnsins.

Fingraþula

in

Hver kannast ekki við Fingraþuluna?

Þumalfingur er mamma sem var mér vænst og best.
Vísifingur er pabbi sem gaf mér rauðan hest.
Langatöng er bróðir sem býr til falleg gull.
Baugfingur er systir sem prjónar sokka úr ull.
Litlifingur er barnið sem leikur sér að skel.
Litli pínu anginn sem dafnar svo vel.

Hér er allt fólkið svo fallegt og nett.
Fimm eru á bænum ef talið er rétt.
Ósköp væri gaman hér í þessum heim,
ef öllum kæmi saman eins vel og þeim.

Fríða Bjareny Jónsdóttir var með fyrirlestur sem fjallaði um orðaforða og samskipti, með áherslu á að skoða muninn á samskiptaorðaforða og dýpri orðaforða. Eftir fyrirlesturinn lagði hún verkefni fyrir hópinn til að vinna með út í leikskólunum. Hún gaf okkur leyfi til að birta það hér með von um að sem flestir nýti sér það.

Vefurinn Fjölbreyttar kennsluaðferðir fyrir fjöruga krakka

in

Vefurinn Fjölbreyttar kennsluaðferðir fyrir fjöruga krakka er vettvangur þar sem foreldrar, kennarar og aðrir sem vinna með börnum geta nálgast fjölbreytt námsefni. Þarna inni eru skjöl til að hlaða niður með fjölbreyttu námsefni fyrir börn.

Hlín Magnúsdóttir sérkennari á yngsta stigi í grunnskóla er hér að deila því námsefni sem hún hefur útbúið sjálf. Jafnframt er hún með facebook-síðuna Fjölbreyttar kennsluaðferðir fyrir fjöruga krakka (http://www.facebook.com/kennsluadferdir) eða Instragram fjolbreytt_kennsla (http://www.instagram.com/fjolbreytt_kennsla).

Lesið í leik

in

Lesið í leik er læsisstefna leikskóla. Í lögum um leikskóla nr. 90/2008 segir: ,,Stuðla skal að því að nám fari fram í leik og skapandi starfi þar sem börn njóta fjölbreyttra uppeldiskosta.“ Þar kemur einnig fram að eitt af meginmarkmiðum uppeldis og kennslu í leikskóla skuli vera: ,,að veita skipulega málörvun og stuðla að eðlilegri færni í íslensku.“

Ekki leita langt yfir skammt

in

Víða í grunnskólum er til mikið magn af  kennarahandbókum. Margir gamlir gullmolar leynast þar innan um sem vert er að dusta rykið af. Oft má finna góðar hugmyndir og leiðbeiningar. Hvernig væri að fara í fjársjóðsleit?

Frístundalæsi

in ,
Read more

Búnaðarbanki SFS

in

Inn á heimasíðu Búnaðarbankans SFS má finna fullt af skemmtilegu dóti til að prófa ýmsar nýjungar til að auðga námið… eða eins og kemur fram á síðunni: ,,Gersemar og þarfaþing, skoðaðu, pantaðu og fáðu að láni – fullt af skemmtilegu dóti fyrir kennslustofuna.“ Þetta er hugsað fyrir leik- , grunn- og frístundastarf.

Dagblöð í skólum

in

Morgunblaðið heldur úti vef sem ber nafnið Dagblöð í skólum, þar segir meðal annars:

Með því að nota dagblöð í kennslu teljum við að námið verði fjölbreytt og lifandi og þar ættu allir að finna viðfangsefni við sitt hæfi.

Markmið með því að nota dagblöð í kennslu eru eftirfarandi:

  • Að venja nemendur við dagblaðalestur.
  • Að þjálfa nemendur í lestri á mismunandi textum (auglýsingum, fréttagreinum o.fl.)
  • Að venja nemendur við að segja skipulega frá því sem þeir hafa lesið, bæði munnlega og skriflega.
  • Að nemendur temji sér gagnrýna hugsun, spyrji spurninga og leiti svara.
  • Að upplýsa nemendur um margvísleg stílbrigði sem notuð eru við ritun blaðagreina.
  • Að kynna nemendum ritunarferli blaðagreina.
  • Að þjálfa nemendur í ritun margvíslegra dagblaðatexta.
  • Að þjálfa nemendur í að hlusta á aðra.
  • Að nemendur kynnist vinnuferli við útgáfu dagblaðs.

Vefurinn Upplýsingatækni og söguaðferðin

in

Á vefnum Upplýsingatækni og söguaðferðin eru kennsluhugmyndir og leiðbeiningar fyrir stafræna efnisgerð.

Þarna eru átta verkefni í upplýsingatækni og stafrænni miðlun sem tengjast jafnmörgum sögurömmum.

Fyrst er fjallað aðeins um söguaðferðina. Undir síðum sem heita 5. bekkur, 6. bekkur og 7. bekkur eru ákveðnir sögurammar kynntir. Jafnframt eru hugmyndir að verkefnum þar sem reynir á stafræna miðlun og leiðbeiningar um vinnu í forritum.

Þetta er ætlað nemendum í 5. – 7. bekk en getur nýst öðrum aldurshópum.